ranj-o-gham aur alam-o-dard kaa lashkar nikle — Manzar Suhai

ishq pe ijtihaad kar kar ke
mujtahid ho gayaa huun main gham kaa

mohabbat ki bhi to ik bevafaa se
ye qatl-e-khud nahin to aur kyaa hai

hai isi baat kaa malaal mujhe
ki mujhe ab koi malaal nahin

hone do agar ho gae kuchh log bure bhi
gulshan mein agar phuul hain to khaar bhi honge

laDkaa na koi phir se ho barbaad dahr mein
tujh par na jaaein beTiyaan teri khudaa kare

raahon ke pattharon kaa bhalaa kyaa gila karun
ab aadmi ke dil bhi to patthar ke ho gae

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

gham ko ehsaas ki miTTi mein khudaa ne gundhaa
aur kuchh ashk milaae to phir insaan kiyaa

halqa-e-shaam-o-sahar se nahin jaane vaalaa
dard is dida-e-tar se nahin jaane vaalaa

jise naa-khvaab kahte hain usi ko khvaab kahte hain
tamiz-e-khair-o-shar mein nukta-e-sad-motabar kyaa hai