khaak bhi lutf-e-zindagi na rahaa — Mardan Ali Khan Rana

rasm ulTi hai khub-ruyon ki
dost jis ke bano vo dushman hai

ki riyaa se na shaikh ne tauba
mar gayaa vo gunaahgaar afsos

tere aate hi dekh raahat-e-jaan
chain hai sabr hai qaraar hai aaj

jis ko dekho vo nuur kaa buqa
ye paristaan hai ki london hai

pyaar ki baatein kijiye saahab
lutf sohbat kaa guftugu se hai

diyaa vo jo na thaa vahm-o-gumaan mein
bhalaa main aur kyaa maangun khudaa se

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

umr hi teri guzar jaaegi un ke hal mein
teraa bachcha jo savaalaat liye baiThaa hai

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

meri saari zindagi ko be-samar us ne kiyaa
umr meri thi magar us ko basar us ne kiyaa