ham ko bhi kyaa kyaa maze ki daastaanein yaad thiin — Mirza Hadi Ruswa

hans ke kahtaa hai musavvir se vo ghaarat-gar-e-hosh
jaisi surat hai miri vaisi hi tasvir bhi ho

baad tauba ke bhi hai dil mein ye hasrat baaqi
de ke qasmein koi ik jaam pilaa de ham ko

usi par munhasir thi zindagi kyaa
ghaTaa jaataa hai dam zabt-e-fughaan se

apne surat-gar se puchhun main agar maqdur ho
kyaa banaayaa thaa mujhe tu ne miTaane ke liye

dekhaa hai mujhe apni khushaamad mein jo masruf
is but ko ye dhokaa hai ki islaam yahi hai

Talnaa thaa mere paas se ai kaahili tujhe
kam-bakht tu to aa ke yahin Dher ho gai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

udaas aankhon se aansu nahin nikalte hain
ye motiyon ki tarah sipiyon mein palte hain

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

dasht ki naa-tamaam raahon par
koi saathi hai to shajar tanhaa