main kharch kaar-e-zamaana mein ho chukaa itnaa — Mohsin Ehsan

tanhaa khaDaa huun main bhi sar-e-karbalaa-e-asr
aur sochtaa huun mere taraf-daar kyaa hue

main munaqqash huun tiri ruuh ki divaaron par
tu miTaa saktaa nahin bhulne vaale mujh ko

subh se shaam hui ruThaa huaa baiThaa huun
koi aisaa nahin aa kar jo manaa le mujh ko

ab duaaon ke liye uThte nahin hain haath bhi
be-yaqini kaa to aalam thaa magar aisaa na thaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa