jaan-o-dil thaa nazr teri kar chukaa — Pandit Jawahar Nath Saqi

apne junun-kade se nikaltaa hi ab nahin
saaqi jo mai-farosh sar-e-rahguzaar thaa

falak pe chaand sitaare nikalte hain har shab
sitam yahi hai nikaltaa nahin hamaaraa chaand

ham ko bharam ne bahr-e-tavahhum banaa diyaa
dariyaa samajh ke kuud paDe ham saraab mein

vo maah jalva dikhaa kar hamein huaa ru-posh
ye aarzu hai ki nikle kahin dobaaraa chaand

qaalib ko apne chhoD ke maqlub ho gae
kyaa aur koi qalb hai is inqalaab mein

jazba-e-ishq chaahiye suufi
jo hai afsurda ahl-e-haal nahin

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

vahin pe TuTne lagtaa hai aitabaar-e-vafaa
jahaan yaqin zyaada dilaae jaate hain

dard-e-dil kyaa bayaan karun 'rashki'
us ko kab e'tibaar aataa hai

aati jaati hai jaa-ba-jaa badli
saaqiyaa jald aa havaa badli