alag alag si hai samton kaa ab safar darpesh — Qamar Abbas Qamar

ab ki mumkin hai zamin khuun ki pyaasi na rahe
ik qabile ne meri baat nahin maani hai

tishna-lab aisaa ki honTon pe paDe hain chhaale
mutmain aisaa huun dariyaa ko bhi hairaani hai

mujhe bachaa le mire yaar soz-e-imshab se
ki ik sitaara-e-vahshat jabin se guzregaa

shiddat-e-gham se koi gham bhi nahin ho paayaa
jaane vaale tiraa maatam bhi nahin ho paayaa

akelaa-pan hai aur aisaa akelaa-pan jis mein
koi jo puchh le kuchh sab bataane lagte hain

hamaari raat kaa ik vaqt tai hai jis mein ham
tamaam bichhDe huon ko bulaane lagte hain

tai ho chuki hai us se judaai magar 'munir'
tu us ke saath lamha-e-inkaar tak to chal

ye hamaari aap ki duriyaan ye kabhi kabhi ki huzuriyaan
hain ajab tarah ki lagaavTein rah-o-rasm-e-dur-o-daraaz mein

firaaq-e-khuld se gandum hai sina-chaak ab tak
ilaahi ho na vatan se koi gharib judaa

ab judaai ke safar ko mire aasaan karo
tum mujhe khvaab mein aa kar na pareshaan karo

ik tire kahne se meraa kam nahin kirdaar hogaa
ye alag hai baat main teri kahaani mein nahin huun

tiraa main kyaa karun ai dil tujhe kuchh bhi nahin aataa
bichhaDnaa bhi use aataa hai aur milnaa bhi aataa hai