vo sajda jis se bu aati hai zaahid hur-o-ghilmaan ki — Raaz Muradabadi

vo kyaa chhuTe hayaat ke 'unvaan badal gae
duniyaa samajh rahi hai abhi ji rahaa huun main

dil ki be-kaifiyon ko kyaa kiije
fasl-e-gul hai magar bahaar nahin

khud kiyaa tark-e-ta'alluq ham se
khud hi ranjur hue jaate hain

allah-re iltifaat-o-nadaamat ki saazishein
nazrein milin talaafi-e-maafaat ho gai

rukte nahin hain paa-e-jihat-aashnaa kahin
manzil bhi ek sang-e-nishaan rah-guzar mein hai

miri samt manzil ko baDhte jo dekhaa
miraa saath chhoDaa mire rahnumaa ne

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zindagi itni pareshaan hai ye sochaa bhi na thaa
us ke atraaf mein sholon kaa samundar dekhaa

ik 'umr tere saath chalaa bhi to kyaa milaa
ab sochtaa huun tujh se bichhaD kar hi dekh luun

'aql aur 'ishq laDte rahe der tak
'aql maari gai 'ishq zinda rahaa

devtaa mere aangan mein utreinge kab zindagi bhar yahi sochtaa rah gayaa
mere bachchon ne to chaand ko chhu liyaa aur main chaand ko pujtaa rah gayaa