dil ke taalib nazar aate hain hasin har jaanib — Tilok Chand Mahroom

baad-e-tark-e-aarzu baiThaa huun kaisaa mutmain
ho gai aasaan har ik mushkil ba-aasaani miri

buraa ho ulfat-e-khubaan kaa ham-nashin ham to
shabaab hi mein buraa apnaa haal kar baiThe

uThaane ke qaabil hain sab naaz tere
magar ham kahaan naaz uThaane ke qaabil

fikr-e-maaash o ishq-e-butaan yaad-e-raftagaan
in mushkilon se ahd-baraai na ho saki

ba-zaahir garm hai baazaar-e-ulfat
magar jins-e-vafaa kam ho gai hai

gadaa nahin hain ki dast-e-savaal phailaaein
kabhi na aap ne puchhaa ki aarzu kyaa hai

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

guzishta kuchh dinon se jaane kis uljhaao mein hai dil
ki ham baiThe bhi rahte hain ghazal-khvaani nahin hoti

ek hansti hui badli dekhi
ek jaltaa huaa ghar yaad aayaa

dil ko to bahut pahle se dhaDkaa saa lagaa thaa
paanaa tiraa shaayad tujhe khone ke liye hai