chehra chehra gham hai apne manzar mein — Saeed Qais

main bhi apni zaat mein aabaad huun
mere andar bhi qabile hain bahut

ye vaaqia miri aankhon ke saamne kaa hai
sharaab naach rahi thi gilaas baiThe rahe

chaand mashriq se nikaltaa nahin dekhaa main ne
tujh ko dekhaa hai to tujh saa nahin dekhaa main ne

tum se milne kaa bahaana tak nahin
aur bichhaD jaane ke hiile hain bahut

talab ke raaste par aa gayaa huun
bataao ab mujhe jaanaa kahaan hai

apni aavaaz sunaai nahin deti mujh ko
ek sannaaTaa ki galiyon mein bahut boltaa hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

mujh ko gham kaa na kabhi dard kaa ehsaas rahaa
har khushi paas thi jab tak tu mire paas rahaa

sab log chal rahe the saDak par milaa ke haath
dekhaa jo ghaur se to kisi kaa koi na thaa

ye kyaa hai ki zikr-e-gham-e-ayyaam bahut hai
shishe mein abhi to mai-e-gulfaam bahut hai