dukh de yaa rusvaai de — Saleem Ahmed

khush-numaa lafzon ki rishvat de ke raazi kijiye
ruuh ki tauhin par aamaada rahtaa hai badan

main gham ko basaa rahaa huun dil mein
be-ghar ko makaan de rahaa huun

ghar mein kuchh kam hai ye ehsaas bhi hotaa hai 'salim'
ye bhi khultaa nahin kis shai ki kami lagti hai

jaane andar kyaa huaa main shor sun kar ai 'salim'
us jagah pahunchaa to dekhaa band vo darvaaza thaa

ik aag si jalti rahi taa-umr lahu mein
ham apne hi ehsaas mein pakte rahe taa-der

jitnaa aankh se kam dekhun
utni duur dikhaai de

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dekh kar meraa dasht-e-tanhaai
rang-e-ru-e-bahaar utraa hai

khud ko is bhiiD mein tanhaa nahin hone deinge
maan tujhe ham abhi buDhaa nahin hone deinge

us ne chhu kar mujhe patthar se phir insaan kiyaa
muddaton baa'd miri aankhon mein aansu aae