dulhan ki mehndi jaisi hai urdu zabaan ki shakl — Sandeep Gupte

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

sirf kahne ko hai nai duniyaa
vo hi dastur hai vahi duniyaa

hamein qubul nahin chhoTaa munh baDi baatein
misaal bante hain aur phir misaal dete hain

jab bhi kashti bhanvar mein aai hai
ik du'aa bhi asar mein aai hai

koi hayaat ke maani bataa ke samjhaae
tavil kyaa hai bhalaa mukhtasar kaa kyaa matlab

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kisi ke jaal mein aa kar main apnaa dil ganvaa baiThaa
mujhe thaa ishq qaatil se main apnaa sar kaTaa baiThaa

tujhe siine se lagaa luun tujhe dil mein rakh luun
dard ki chhaanv mein zakhmon ki amaan mein aa jaa

har ek lahza miri dhaDkanon mein chubhti thi
ajiib chiiz mire dil ke aas-paas rahi

shikva sun kar jo mizaaj-e-but-e-bad-khu badlaa
ham ne bhi saath hi taqrir kaa pahlu badlaa