kahaani hai to itni hai fareb-e-khvaab-e-hasti ki — Seemab Akbarabadi

dekhte rahte hain chhup-chhup ke muraqqaa teraa
kabhi aati hai havaa bhi to chhupaa lete hain

tujhe daanista mahfil mein jo dekhaa ho to mujrim huun
nazar aakhir nazar hai be-iraada uTh gai hogi

manzil mili muraad mili muddaaa milaa
sab kuchh mujhe milaa jo tiraa naqsh-e-paa milaa

khudaa aur naakhudaa mil kar Dubo dein ye to mumkin hai
meri vajh-e-tabaahi sirf tufaan ho nahin saktaa

dekhte hi dekhte duniyaa se main uTh jaaungaa
dekhti ki dekhti rah jaaegi duniyaa mujhe

chamak jugnu ki barq-e-be-amaan maalum hoti hai
qafas mein rah ke qadr-e-aashiyaan maalum hoti hai

ek parda saa hai fareb-e-nazar
ye bhi uTThe to dekhnaa kyaa hai

is qadar musalsal thiin shiddatein judaai ki
aaj pahli baar us se main ne bevafaai ki

yaar main itnaa bhukaa huun
dhokaa bhi khaa letaa huun

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

kuchh to majburiyaan rahi hongi
yuun koi bevafaa nahin hotaa

bevafaai kaa mujhe ilzaam detaa thaa vo shakhs
main ne bhi itnaa kiyaa bas us ko sachchaa kar diyaa