aatish-e-ishq mein jo jal na marein — Taban Abdul Hai

dard-e-sar hai khumaar se mujh ko
jald le kar sharaab aa saaqi

ek bulbul bhi chaman mein na rahi ab ki fasal
zulm aisaa hi kiyaa tu ne ai sayyaad ki bas

jis kaa goraa rang ho vo raat ko khiltaa hai khuub
raushnaai shama ki phiki nazar aati hai subh

mohabbat tu mat kar dil us bevafaa se
dil us bevafaa se mohabbat tu mat kar

jab talak rahe jiitaa chaahiye hanse bole
aadmi ko chup rahnaa maut ki nishaani hai

kis kis tarah ki dil mein guzarti hain hasratein
hai vasl se ziyaada mazaa intizaar kaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

phir na darmaan kaa kabhi naam 'mubaarak' lenaa
kufr hai dard-e-mohabbat kaa mudaavaa karnaa

shauq hai is dil-e-darinda ko
aap ke honT kaaT khaane kaa

jo tire ishq mein tabaah huaa
koi us ko tabaah kar na sakaa

hamaari baat mohabbat siin tum jo gosh karo
to apni prem kahaani tumhein sunaaungaa