dard-e-sar hai khumaar se mujh ko — Taban Abdul Hai

ek bulbul bhi chaman mein na rahi ab ki fasal
zulm aisaa hi kiyaa tu ne ai sayyaad ki bas

jis kaa goraa rang ho vo raat ko khiltaa hai khuub
raushnaai shama ki phiki nazar aati hai subh

mohabbat tu mat kar dil us bevafaa se
dil us bevafaa se mohabbat tu mat kar

jab talak rahe jiitaa chaahiye hanse bole
aadmi ko chup rahnaa maut ki nishaani hai

aatish-e-ishq mein jo jal na marein
ishq ke fan mein vo anaari hain

kis kis tarah ki dil mein guzarti hain hasratein
hai vasl se ziyaada mazaa intizaar kaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

specialist pain-killer de to kaun saa?
''saare jahaan kaa dard hamaare jigar mein hai''

main nibal tanhaa na is duniyaa ki sohbat siin huaa
rustamon kuun kar diyaa hai naa-tavaan inzaal niin

tu kahaan rahti hai puchhaa thaa kisi ne ek din
main ghamon ke saath rahti huun khushi kahne lagi