kisi gali mein kiraae pe ghar liyaa us ne — Umair Najmi

kitaab-e-ishq mein har aah ek aayat hai
par aansuon ko huruf-e-muqattiaat samajh

us ki tah se kabhi daryaaft kiyaa jaaungaa main
jis samundar mein ye sailaab ikaTThe honge

bichhaD gae to ye dil umr bhar lagegaa nahin
lagegaa lagne lagaa hai magar lagegaa nahin

tum pe kyaa khaak asar hogaa mire sheron kaa
tum ko to mir-taqi-'mir' nahin khinch sakaa

ye saat uTh paDosi kahaan se aae mire
tumhaare dil mein to koi na thaa sivaae mire

nikaal laayaa huun ek pinjre se ik parinda
ab is parinde ke dil se pinjra nikaalnaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

kisi kali kisi gul mein kisi chaman mein nahin
vo rang hai hi nahin jo tire badan mein nahin

main haath joDtaa huun baDi der se huzur
lag jaaiye gale se ab inkaar ho chukaa

us ki aankhon mein na jaane aks kis kaa thaa magar
ungliyon par ek lams-e-raaegaan meraa bhi thaa