cigaretein chaae dhuaan raat gae tak bahsein — Wali Aasi

dosto DhunD ke ham saa koi pyaasaa laao
ham to aansu bhi jo piite hain to paani ki tarah

dariyaa dikhaai detaa hai har ek reg-zaar
shaayad ki in dinon mujhe shiddat ki pyaas hai

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

musallaa rakhte hain sahbaa-o-jaam rakhte hain
faqir sab ke liye intizaam rakhte hain

sameT bikhre hue kaaghzaat ko apne
koi sadaa tujhe vaapas bulaane vaali hai

main jis kaa javaab na de paaun
aisaa bhi koi savaal karnaa

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

zindagi kis tarah kaTegi 'saif'
raat kaTti nazar nahin aati

lambi hai bahut aaj ki shab jaagne vaalo
aur yaad mujhe koi kahaani bhi nahin hai

zindagi bhar mujhe is baat ki hasrat hi rahi
din guzaarun to koi raat suhaani aae