Raat Ki Shayari — Night Poetry

Dil dhoondta hai phir wahi fursat-e-shab-o-roz
Naaz uthana, naaz uthana, naaz uthana

shab ko aa kar vo phir gayaa haihaat
kyaa isi raat ham ko sonaa thaa

raat bhar hanste hue taaron ne
un ke aariz bhi bhigoe honge

divaangi meri ke tahayyur mein shab-o-roz
hai halqa-e-zanjir se zindaan hama-tan-chashm

khairaat kaa mujhe koi laalach nahin 'zafar'
main is gali mein sirf sadaa karne aayaa huun

naqd-e-dil-e-khaalis kuun miri qalb tuun mat jaan
hai tujh kuun agar shubh to kas dekh tapaa dekh

ye sar-ba-mohr botalein hain jo sharaab ki
raatein hain un mein band hamaari shabaab ki

shab ki tanhaai mein ab to akasr
guftugu tujh se rahaa karti hai

partav-e-khur se hai shabnam ko fanaa ki taalim
main bhi huun ek inaayat ki nazar hote tak

shab-e-visaal tire dil ke saath lag kar bhi
miri luTi hui duniyaa tujhe pukaarti hai

is andhere mein to Thokar hi ujaalaa degi
raat jangal mein koi shama jalaane se rahi

dil mein na ho jurat to mohabbat nahin milti
khairaat mein itni baDi daulat nahin milti

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

raat pi zamzam pe mai aur subh-dam
dhoe dhabbe jaama-e-ehraam ke

ji DhunDtaa hai phir vahi fursat ki raat din
baiThe rahein tasavvur-e-jaanaan kiye hue

tu itni dil-zada to na thi ai shab-e-firaaq
aa tere raaste mein sitaare luTaaein ham

huaa hai shah kaa musaahib phire hai itraataa
vagarna shahr mein 'ghaalib' ki aabru kyaa hai

kahun kis se main ki kyaa hai shab-e-gham buri balaa hai
mujhe kyaa buraa thaa marnaa agar ek baar hotaa

milegaa manzil-e-maqsud kaa usi ko suraagh
andheri shab mein hai chite ki aankh jis kaa charaagh

yuun lage dost tiraa mujh se khafaa ho jaanaa
jis tarah phuul se khushbu kaa judaa ho jaanaa

kyaa hoegaa sunoge agar kaan dhar ke tum
guzri birah ki raat jo mujh par kahaaniyaan

jahaan se tohfatan bheji gai thi iid ke din se
vahin phirti-phiraati aa gai hai raan bakre ki

shikva-e-zulmat-e-shab se to kahin behtar thaa
apne hisse ki koi shama jalaate jaate

na shab o roz hi badle hain na haal achchhaa hai
kis barhaman ne kahaa thaa ki ye saal achchhaa hai

raat kyaa soe ki baaqi umr ki niind uD gai
khvaab kyaa dekhaa ki dhaDkaa lag gayaa taabir kaa