Sufi Poetry Collection

Khudi ko kar buland itna ke har taqdeer se pehle
Khuda bande se khud pooche, bata teri raza kya hai

ham se khul jaao ba-vaqt-e-mai-parasti ek din
varna ham chheDeinge rakh kar uzr-e-masti ek din

kahte hain tiri zulf kuun dekh ahl-e-shariat
qurbaan hai is kufr par imaan hamaaraa

main tujh ko bataataa huun taqdir-e-umam kyaa hai
shamshir-o-sinaan avval taaus-o-raubaab aakhir

kyaa vo namrud ki khudaai thi
bandagi mein miraa bhalaa na huaa

khudaa ko maan ki tujh lab ke chumne ke sivaa
koi ilaaj nahin aaj ki udaasi kaa

khulegaa kis tarah mazmun mire maktub kaa yaa rab
qasam khaai hai us kaafir ne kaaghaz ke jalaane ki

zaraa jo ham ne unhein aaj mehrbaan dekhaa
na ham se puchhiye kyaa rang-e-aasmaan dekhaa

vaqt hai ab namaaz-e-maghrib kaa
chaand rukh lab shafaq hai gesu shaam

aabaad karein baada-kash allaah kaa ghar aaj
din juma kaa hai band hai mai-khaane kaa dar aaj

ab jafaa se bhi hain mahrum ham allaah allaah
is qadar dushman-e-arbaab-e-vafaa ho jaanaa

khudaa aabaad rakkhe mai-kade ko
bahut saste chhuTe duniyaa-o-din se

dil ajab shahr ki jis par bhi khulaa dar is kaa
vo musaafir ise har samt se barbaad kare

mai-khaane mein kyuun yaad-e-khudaa hoti hai aksar
masjid mein to zikr-e-mai-o-minaa nahin hotaa

hai kahaan tamannaa kaa dusraa qadam yaa-rab
ham ne dasht-e-imkaan ko ek naqsh-e-paa paayaa

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

kyuun na firdaus mein dozakh ko milaa lein yaa-rab
sair ke vaaste thoDi si fazaa aur sahi

yaa rab hamein to khvaab mein bhi mat dikhaaiyo
ye mahshar-e-khayaal ki duniyaa kahein jise

mehrbaan ho ke bulaa lo mujhe chaaho jis vaqt
main gayaa vaqt nahin huun ki phir aa bhi na sakun

khudaavandaa ye tere saada-dil bande kidhar jaaein
ki darveshi bhi ayyaari hai sultaani bhi ayyaari

allaah re zauq-e-dasht-navardi ki baad-e-marg
hilte hain khud-ba-khud mire andar kafan ke paanv

meri ghurbat ko sharaafat kaa abhi naam na de
vaqt badlaa to tiri raae badal jaaegi

khudaa ke vaaste gul ko na mere haath se lo
mujhe bu aati hai is mein kisi badan ki si

nikal kar dair-o-kaaba se agar miltaa na but-khaana
to Thukraae hue insaan khudaa jaane kahaan jaate

kaanTon ki zabaan suukh gai pyaas se yaa rab
ik aabla-paa vaadi-e-pur-khaar mein aave