Ghazal

"matlab na kaabe se na iraada kanisht kaa paaband ye faqir nahin sang-o-khisht kaa sarsabz huun jo aap dikhaa diije khat-e-sabz kushton ko khet mein abhi aalam ho kisht kaa us huur ki jo gulshan-e-aariz ki yaad thi dekhaa kiyaa firaaq mein aalam bahisht kaa kyaa munshi-e-azal ki ye sanat hai dekhnaa maahir nahin kisi ki koi sarnavisht kaa naadaan e'tiraaz hai saane pe ghaur kar bejaa hai imtiyaaz yahaan khuub o zisht kaa ai 'barq' sair karte hain ham to jahaan ki har kucha-e-sanam hai namuna bahisht kaa"

"asar zulf kaa barmalaa ho gayaa balaaon se mil kar balaa ho gayaa junun le ke hamraah aai bahaar nae sir se phir valvalaa ho gayaa diyaa ghair ne bhi dil aakhir use mujhe dekh kar man-chalaa ho gayaa samaai dil-e-tang ki dekhiye ki aalam mein saabit khalaa ho gayaa taalli zamin se jo naalon ne ki falak par ayaan zalzala ho gayaa huaa qatl be-jurm main jaa ke 'barq' vo kucha mujhe karbalaa ho gayaa"

"dekhi jo zulf-e-yaar tabiat sambhal gai aai hui balaa mire sar par se Tal gai puchhaa agar kisi ne miraa aa ke haal-e-dil be-ikhtiyaar aah labon se nikal gai uryaan haraarat-e-tap-e-furqat se main rahaa har baar mere jism ki poshaak jal gai kaifiyat-e-bahaar jo yaad aai zer-e-khaak daagh-e-junun se apni tabiat bahal gai us ke dahaan-e-tang ki tangi na puchhiye ejaaz samjhe baat jo munh se nikal gai furqat mein ham-baghal jo huaa 'barq' gor se hasrat visaal-e-yaar ki dil se nikal gai"

"chaand saa chehra jo us kaa aashkaaraa ho gayaa tan pe har qatra pasine kaa sharaaraa ho gayaa chhup sakaa dam bhar na raaz-e-dil firaaq-e-yaar mein vo nihaan jis dam huaa sab aashkaaraa ho gayaa jis ko dekhaa chashm-e-vehdat se vahi maashuq hai paD gai jis par nazar us kaa nazaaraa ho gayaa ham-kinaari ki havas ai gauhar-e-yaktaa ye hai aab ho kar gham se dil dariyaa hamaaraa ho gayaa khalq mein gard-e-yatimi se guhar ki qadr hai khaaksaari se fuzun rutba hamaaraa ho gayaa dil mein hai ai 'barq' us but ke dar-e-dandaan ki yaad ye guhar arsh-e-barin kaa goshvaara ho gayaa"

"zer-e-zamin huun tishna-e-didaar-e-yaar kaa aalam vahi hai aaj talak intizaar kaa guzraa sharaab piine se le kaun dard-e-sar saaqi dimaagh kis ko hai ranj-e-khumaar kaa mahshar ke roz bhi na khulegi hamaari aankh sadma uThaa chuke hain shab-e-intizaar kaa ibrat ki jaa hai aalam-e-duniyaa na kar ghurur sar kaasa-e-gadaa hai kisi taajdaar kaa baad-e-fanaa bhi hai maraz-e-ishq kaa asar dekho ki rang zard hai mere ghubaar kaa ulfat na kuchh pari se na kuchh huur se hai ishq mushtaaq 'barq' roz-e-azal se hai yaar kaa"

"be-bulaae hue jaanaa mujhe manzur nahin un kaa vo taur nahin meraa ye dastur nahin lan-taraani ke ye maani hain bajaa hai daavaa dekhe be-parda tujhe koi ye maqdur nahin vo kahaan taaj kahaan takht kahaan maal o manaal qaabil ab bhiik ke bhi kaasa-e-faghfur nahin be-ibaadat na khudaa bakhshegaa subhaan-allaah aisi firdaus se ham guzre ki mazdur nahin main vo mai-kash huun na rakkhun kabhi bhule se qadam koi kah de ye agar khuld mein angur nahin dam-ba-dam uThte hain tufaan jo 'barq' ashkon ke nuuh kaa vaqt nahin aankh hai tannur nahin"

"na rahe naama o paighaam ke laane vaale khaak ke niche gae arsh ke jaane vaale kishvar-e-ishq ki rasmein ajab ulTi dekhin saltanat karte hain sab dil ke churaane vaale munimo aalam-e-duniyaa hai saraa-e-ibrat jaaeinge su-e-adam khalq mein aane vaale boriyaa saath na jaaegaa na takht-e-sultaan sab baraabar hain bashar khalq se jaane vaale koi baaqi na rahaa hai na rahegaa koi be-nishaan ho gae sab shaan dikhaane vaale na sikandar hai na daaraa hai na qaisar hai na jam be-mahal khaak mein hain qasr banaane vaale apne ashaar kaa ai 'barq' na kyuun shohra ho saath hain taair-e-mazmun ke uDaane vaale"

"vahshat mein bhi rukh jaanib-e-sahraa na kareinge jab tak ki tumhein shahr mein rusvaa na kareinge ghabraa gae betaabi-e-dil dekh ke ai jaan Thahro to abhi hijr mein kyaa kyaa na kareinge mar jaaun to mar jaaun buraa maanein to maanein phir kaise masihaa hain jo achchhaa na kareinge vo husn mein kaamil hain to ham sabr mein yaktaa taa umr kabhi zikr bhi un kaa na kareinge chhup chhup ke kaheinge jo chhupaane ke sukhan hain ham tum se kisi baat kaa parda na kareinge badnaami se Darte ho abas ishq mein ai 'barq' kab tak bashar is baat kaa charchaa na kareinge"

"kis tarah milein koi bahaanaa nahin miltaa ham jaa nahin sakte unhein aanaa nahin miltaa phirte hain vahaan aap bhaTakti hai yahaan ruuh ab gor mein bhi ham ko Thikaanaa nahin miltaa badnaam kiyaa hai tan-e-anvar ki safaa ne dil mein bhi use raaz chhupaanaa nahin miltaa daulat nahin kaam aati jo taqdir buri ho qaarun ko bhi apnaa khazaanaa nahin miltaa aankhein vo dikhaate hain nikal jaae agar baat bosa to kahaan honT hilaanaa nahin miltaa taaqat vo kahaan jaaein tasavvur mein jo ai 'barq' barson se hamein hosh mein aanaa nahin miltaa"

"qamar ki vo khurshid tasvir hai gale mein sitaaron ki zanjir hai kahaan paa-e-jaanaan kahaan meraa sar ye taale ye qismat ye taqdir hai khafaa aap se aap hote ho kyuun bataa do jo kuchh meri taqsir hai na kholo khat us kaa dhaDaktaa hai dil khudaa jaane kyaa is mein tahrir hai numaayaan hai qaus-e-quzah abr mein misi par likhauTe ki tahrir hai munaasib hai kuchh khaa ke mar jaao 'barq' yahi dard-e-furqat ki tadbir hai"

"shama bhi is safaa se jalti hai tere rukh par nigah phisalti hai khaak uDaati hai ai sabaa meri be-adab kis tarah se chalti hai vo na aayaa to jaan jaaeinge kab tabiat miri bahalti hai dil nikaltaa hai us ke gesu se naagani dekho man ugalti hai nigah-e-garm yaar dekhe hai kab kisi se ye aankh jalti hai ik pari-ru pe 'barq' martaa huun jaan us par miri nikalti hai"

"rang se pairahan-e-saada hinaai ho jaae pahne zanjir jo chaandi ki talaai ho jaae khud-faroshi ko jo tu nikle ba-shakl-e-yusuf ai sanam teri kharidaar khudaai ho jaae khat-e-toam ki tarah aashiq o maashuq hain ek donon bekaar hain jis vaqt judaai ho jaae tangi-e-gosha-e-uzlat hai bayaan se baahar nahin imkaan ki chyunTi ki samaai ho jaae yahi har uzv se aati hai sadaa furqat mein vaqt ye vo hai judaa bhaai se bhaai ho jaae apni hi aag mein ai 'barq' jalaa jaataa huun unsur-e-khaak ho turbat jo laDaai ho jaae"

"laakh parde se rukh-e-anvar ayaan ho jaaegaa parda khul jaaegaa har parda kataan ho jaaegaa jauhar-e-tegh-e-isaalat sab ayaan ho jaaegaa imtihaan ke vaqt apnaa imtihaan ho jaaegaa tu agar ai maah aa niklaa kisi din baad-e-marg parda-e-khaak-e-mazaar apnaa kataan ho jaaegaa pech zulfon ke jo khul jaaeinge ru-e-yaar par sumbul-e-tar aatish-e-gul kaa dhuaan ho jaaegaa tu vo gul-ru hai ki tujh ko dekh kar niklegi jaan bulbul-e-ruh o ravaan be-aashiyaan ho jaaegaa ru-e-rangin ki hikaayat nazm agar karne lagein 'barq' sab divaan hamaaraa bostaan ho jaaegaa"

"jab ayaan subh ko vo nur-e-mujassam ho jaae gauhar-e-shabnam-e-gul nayyar-e-aazam ho jaae marsiya ho mujhe gaanaa jo sunun furqat mein be-tere bazm-e-ghinaa majlis-e-maatam ho jaae dekh kar tul-e-shab-e-hijr duaa kartaa huun vasl ke roz se bhi umr miri kam ho jaae dekh kar phulon ko angaaron pe loTun ai gul be-tere gulshan-e-firdaus jahannam ho jaae kam nahin milk-e-sulemaan se visaal-e-saaqi gardish-e-jaam mujhe halqa-e-khaatam ho jaae"

"main agar rone lagun rutba-e-vaalaa baDh jaae paani dene se nihaal-e-qad-e-baala baDh jaae josh-e-vahshat yahi kahtaa hai nihaayat kam hai do jahaan se bhi agar vusat-e-sahraa baDh jaae qumriyaan dekh ke gulzaar mein dhoka khaaein tauq minnat kaa jo ai sarv-e-tamannaa baDh jaae haath par haath agar maar ke dauDun baaham raah-e-ulfat mein qadam qais se meraa baDh jaae daagh par daagh se ai 'barq' mujhe raahat hai dard kam ho to shab-e-hijr mein iizaa baDh jaae"

"na koi un ke sivaa aur jaan-e-jaan dekhaa vahi vahi nazar aaegaa jahaan jahaan dekhaa bahisht mein bhi usi huur ko ravaan dekhaa yahaan jo dekh chuke the vahi vahaan dekhaa khizaan-e-umr kujaa o kujaa bahaar-e-shabaab falak ko rashk huaa koi jab javaan dekhaa gae jahaan se jo log do jahaan se gae kisi ne phir na kabhi apnaa kaarvaan dekhaa jalaayaa bazm mein har roz shama ke maanind hazaaron baatein sunaain jo be-zabaan dekhaa qayaamat aai ye taDpaa firaaq mein ai 'barq' na phir zamin ko paayaa na aasmaan dekhaa"

"misaal-e-taar-e-nazar kyaa nazar nahin aataa kabhi khayaal mein mu-e-kamar nahin aataa hamaare aib ne be-aib kar diyaa ham ko yahi hunar hai ki koi hunar nahin aataa muhaal hai ki mire ghar vo raat ko aae ki shab ko mehr-e-darakhshaan nazar nahin aataa tamaam khalq mein rahti hai dhuup raaton ko vo mehr baam se jab tak utar nahin aataa muhaal hai ki jahannam mein khuld se jaaein jo dar par aap ke jaataa hai ghar nahin aataa hamaari ziist mein the saath kaun kaun ai 'barq' ab ek faatiha ko qabr par nahin aataa"

"ai sanam vasl ki tadbiron se kyaa hotaa hai vahi hotaa hai jo manzur-e-khudaa hotaa hai nahin bachtaa nahin bachtaa nahin bachtaa aashiq puchhte kyaa ho shab-e-hijr mein kyaa hotaa hai be-asar naale nahin aap kaa Dar hai mujh ko abhi kah dijiye phir dekhiye kyaa hotaa hai kyuun na tashbih use zulf se dein aashiq-e-zaar vaaqai tul-e-shab-e-hijr balaa hotaa hai yuun takabbur na karo ham bhi hain bande us ke sajde but karte hain haami jo khudaa hotaa hai 'barq' uftaada vo huun saltanat-e-aalam mein taaj-e-sar ijz se naqsh-e-kaf-e-paa hotaa hai"

"lab-e-rangin se agar tu guhar-afshaan hotaa lucknow laalon ke maadan se badakhshaan hotaa ai pari tu vo pari hai ki tiri dekh ke shakl har farishta ki tamannaa hai ki insaan hotaa rah gayaa parda miraa varna tire jaate hi na ye daaman nazar aataa na garebaan hotaa aa nikaltaa kabhi zaahid jo tiri mahfil mein haath mein shisha-e-mai taaq pe quraan hotaa khair guzri jo khule baalon ko us ne baandhaa varna majmua anaasir kaa pareshaan hotaa mar gayaa zulf ki main pech uThaa kar ai 'barq' kyuun na afsaana miraa khvaab-e-pareshaan hotaa"

"parda ulaT ke us ne jo chehraa dikhaa diyaa rang-e-rukh-e-bahaar-e-gulistaan uDaa diyaa vahshat mein qaid-e-dair-o-haram dil se uTh gai haqqaa ki mujh ko ishq ne rastaa bataa diyaa phir jhaank-taak aankhon ne meri shurua ki phir gham kaa mere naalon ne laggaa lagaa diyaa angDaai donon haath uThaa kar jo us ne li par lag gae paron ne pari ko uDaa diyaa sikhi hai us javaan ne pir-e-falak ki chaal hir-phir ke mujh ko khaak mein aakhir milaa diyaa vo sair ko jo aae to sadqe mein un ko 'barq' har ek gul ne taair-e-nikhat uDaa diyaa"

"vo shaah-e-husn jo be-misl hai hasinon mein kabhi faqir bhi thaa un ke ham-nashinon mein agar hayaat hai dekheinge ek din didaar ki maah-e-id bhi aakhir hai in mahinon mein na ikhtilaat na vo aankh hai na vo chitvan ye kyaa sabab ki paDaa farq sab qarinon mein nahin buton ke tasavvur se koi dil khaali khudaa ne un ko diye hain makaan sinon mein maaal-e-kaar vahi sab kaa hai vahi aaghaaz hazaar farq karein khud-parast dinon mein abas haris havas se zalil hote hain amiT hai 'barq' jo tahrir hai jabinon mein"