hamaare Dubne ke baad ubhreinge nae taare — Abdul Majeed Salik

tujhe kuchh ishq o ulfat ke sivaa bhi yaad hai ai dil
sunaae jaa rahaa hai ek hi afsaana barson se

charaagh-e-zindagi hogaa farozaan ham nahin honge
chaman mein aaegi fasl-e-bahaaraan ham nahin honge

jo unhein vafaa ki sujhi to na ziist ne vafaa ki
abhi aa ke vo na baiThe ki ham uTh gae jahaan se

ishq hai be-gudaaz kyuun husn hai be-niyaaz kyuun
meri vafaa kahaan gai un ki jafaa ko kyaa huaa

haal-e-dil sun ke vo aazurda hain shaayad un ko
is hikaayat pe shikaayat kaa gumaan guzraa hai

ab nahin jannat mashaam-e-kucha-e-yaar ki shamim
nikhat-e-zulf kyaa hui baad-e-sabaa ko kyaa huaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa