ji lagaa rakkhaa hai yuun taabir ke auhaam se — Ain Tabish

main apnaa kaar-e-vafaa aazmaaungaa phir bhi
kahaan main tere sitam yaad karne vaalaa huun

tu jo is duniyaa ki khaatir apnaa-aap ganvaataa hai
ai dil-e-man ai mere musaafir kaam hai ye naa-daanon kaa

be-hunar dekh na sakte the magar dekhne aa.e
dekh sakte the magar ahl-e-hunar dekh na paa.e

hai ek hi lamha jo kahin vasl kahin hijr
taklif kisi ke liye aaraam kisi kaa

jahaan na apne azizon ki diid hoti hai
zamin-e-hijr pe bhi koi iid hoti hai

ek basti thi hui vaqt ke andoh mein gum
chaahne vaale bahut apne puraane the udhar

kam-umri mein sunet hain
mar jaate hain achchhe log

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

umr hi teri guzar jaaegi un ke hal mein
teraa bachcha jo savaalaat liye baiThaa hai

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein