kyuun baDhaate ho ikhtilaat bahut — Altaf Hussain Hali

ek raushan dimaagh thaa na rahaa
shahar mein ik charaagh thaa na rahaa

aa rahi hai chaah-e-yusuf se sadaa
dost yaan thoDe hain aur bhaai bahut

jaanvar aadmi farishta khudaa
aadmi ki hain saikaDon qismein

ham ne avval se paDhi hai ye kitaab aakhir tak
ham se puchhe koi hoti hai mohabbat kaisi

gul-o-gulchin kaa gila bulbul-e-khush-lahja na kar
tu giraftaar hui apni sadaa ke baais

farishte se baDh kar hai insaan bannaa
magar is mein lagti hai mehnat ziyaada

ik tire kahne se meraa kam nahin kirdaar hogaa
ye alag hai baat main teri kahaani mein nahin huun

har mulaaqaat kaa anjaam judaai kyuun hai
ab to har vaqt yahi baat sataati hai hamein

tujh se bichhaDnaa koi nayaa haadsa nahin
aise hazaaron qisse hamaari khabar mein hain

main ne samjhaa thaa ki lauT aate hain jaane vaale
tu ne jaa kar to judaai miri qismat kar di

duriyaan tum ne hi baDhaai thiin
ham to apni jagah pe Thahre hain

garmi lagi to khud se alag ho ke so gae
sardi lagi to khud ko dobaara pahan liyaa