saunpoge apne baa'd viraasat mein kyaa mujhe — Ashar Najmi

rafta rafta khatm qissa ho gayaa honaa hi thaa
vo bhi aakhir mere jaisaa ho gayaa honaa hi thaa

na jaane kab koi aa kar miri takmil kar jaae
isi ummid pe khud ko adhuraa chhoD jaanaa hai

zahr mein Duubi hui parchhaaiyon kaa raqs hai
khud se vaabasta yahaan main bhi nahin tu bhi nahin

canvas par hai ye kis kaa paikar-e-harf-o-sadaa
ik numud-e-aarzu jo be-nishaan hai aur bas

bahut mohtaat ho kar saans lenaa mo'tabar ho tum
hamaaraa kyaa hai ham to khud hi apni rad mein rahte hain

andhere mein tajassus kaa taqaazaa chhoD jaanaa hai
kisi din khaamushi mein khud ko tanhaa chhoD jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne