yaqin barson kaa imkaan kuchh dinon kaa huun — Athar Nasik

kitne maani rakhtaa hai zaraa ghaur to kar
kuza-gar ke haath mein honaa miTTi kaa

suraj lihaaf oDh ke soyaa tamaam raat
sardi se ik parinda dariche mein mar gayaa

na-jaane kaun si majburiyaan hain jin ke liye
khud apni zaat se inkaar karnaa paDtaa hai

main use subh na jaanun jo tire sang nahin
main use shaam na maanun ki jo tere bin hai

main puchh letaa huun yaaron se rat-jagon kaa sabab
magar vo mujh se mire khvaab puchh lete hain

banaanaa paDtaa hai apne badan ko chhat apni
aur apne saae ko divaar karnaa paDtaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gham hai na ab khushi hai na ummid hai na yaas
sab se najaat paae zamaane guzar gae

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa