kabhi to bhuul gae pi ke naam tak un kaa — Baqar Mehdi

is shahr mein hai kaun hamaaraa tire sivaa
ye kyaa ki tu bhi apnaa kabhi ham-navaa na ho

jaane kin mushkilon se jiite hain
kyaa karein koi mehrbaan na rahaa

ham milein yaa na milein phir bhi kabhi khvaabon mein
muskuraati hui aaeingi hamaari baatein

jaane kyuun un se milte rahte hain
khush vo kyaa honge jab khafaa hi nahin

aisi begaanagi nahin dekhi
ab kisi kaa koi yahaan na rahaa

sailaab-e-zindagi ke sahaare baDhe chalo
saahil pe rahne vaalon kaa naam-o-nishaan nahin

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

ik bosa maangtaa huun main khairaat-e-husn ki
do maal ki zakaat ki daulat ziyaada ho

mausam-e-gul hamein jab yaad aayaa
jitnaa gham bhule the sab yaad aayaa

vo ayaadat ko na aayaa karein main dar guzraa
haal-e-dil puchh ke aur aag lagaa jaate hain

main tinke chuntaa phirtaa huun sayyaad tiliyaan
tayyaar ho rahaa hai qafas aashiyaan ke saath