baDe logon se milne mein hamesha faasla rakhnaa — Bashir Badr

na tum hosh mein ho na ham hosh mein hain
chalo mai-kade mein vahin baat hogi

sar jhukaaoge to patthar devtaa ho jaaegaa
itnaa mat chaaho use vo bevafaa ho jaaegaa

raat kaa intizaar kaun kare
aaj kal din mein kyaa nahin hotaa

ujaale apni yaadon ke hamaare saath rahne do
na jaane kis gali mein zindagi ki shaam ho jaae

jis din se chalaa huun miri manzil pe nazar hai
aankhon ne kabhi miil kaa patthar nahin dekhaa

koi phuul saa haath kaandhe pe thaa
mire paanv shoalon pe jalte rahe

qatra Thiik hai dariyaa hone mein nuqsaan bahut hai
dekh to kaise Duub rahaa hai meraa lashkar mujh mein

pyaas baDhti jaa rahi hai bahtaa dariyaa dekh kar
bhaagti jaati hain lahrein ye tamaashaa dekh kar

taalaab iraade kaa bhare pal mein labaalab
jab yaar ke dariyaa-e-karam suun lahr aave

'fitrat' dil-e-kaunain ki dhaDkan to zaraa sun
ye hazrat-e-insaan hi ki azmat kaa bayaan hai

'ishq dariyaa mein jab se bahne lagaa
mauj-dar-mauj she'r kahne lagaa

sab ko qudrat thi khush-kalaami par
khaamushi mein zabaan-daraaz thaa main