hasin yaadein vo bachpan ki kahin dil se na kho jaaein — Bashir Mehtaab

zindagi fan nahin madaari kaa
paaniyon se diye nahin jalte

ik bevafaa ke pyaar mein had se guzar gae
kaafir ke pyaar ne hamein kaafir banaa diyaa

apni kamar se aap hi baandhe safar tamaam
phir yuun huaa ki main kabhi apnaa nahin banaa

yuun mohabbat ko umr-bhar paDhnaa
zindagi imtihaan ho jaise

jise manzil samajh kar ruk gae ham
vahin se apnaa aaghaaz-e-safar thaa

tum mire paas jab nahin hote
dhaDkanein ehtijaaj karti hain

mere khvaabon ke jharokon ko sajaate rahiye
na sahi vasl magar yaad to aate rahiye

kisi ki yaad manaane mein iid guzregi
so shahr-e-dil mein bahut duur tak udaasi hai

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

ai chaman vaalo chaman mein yuun guzaaraa chaahiye
baaghbaan bhi khush rahe raazi rahe sayyaad bhi

koi puraanaa khat kuchh bhuli-bisri yaad
zakhmon par vo lamhe marham hote hain

tu jafaaon se jo badnaam kiye jaataa hai
yaad aaegi tujhe meri vafaa mere baad