sajda-gaah-e-barhaman aur shaikh hain dair-o-haram — Hasrat Azimabadi

mai-kashi mein rakhte hain ham mashrab-e-durd-e-sharaab
jaam-e-mai chaltaa jahaan dekhaa vahaan par jam gae

main 'hasrat' mujtahid huun but-parasti ki tariqat kaa
na puchho mujh ko kaisaa kufr hai islaam kyaa hogaa

ham na jaanein kis taraf kaaba hai aur kidhar hai dair
ek rahti hai yahi us dar pe jaane ki khabar

zaahidaa kis husn-e-gandum-e-gun pe hai teri nigaah
aaj tu meri nazar mein guna-e-aadam lagaa

saugand hai hasrat mujhe ejaaz-e-sukhan ki
ye sehr hain jaadu hain na ashaar hain tere

bhar ke nazar yaar na dekhaa kabhi
jab gayaa aankh hi bhar kar gayaa

mere khvaabon ke jharokon ko sajaate rahiye
na sahi vasl magar yaad to aate rahiye

kisi ki maut kaa dukh hai magar is se ziyaada
mujhe is baat kaa dukh hai ki koi ro rahaa hai

ye kah do bas maut se ho rukhsat kyuun naahaq aai hai us ki shaamat
ki dar talak vo masih-khaslat miri ayaadat ko aa chuke hain

vo koh-e-qaaf kaa jaise makin ho gayaa hai
bichhaD ke aur ziyaada hasin ho gayaa hai

khvaabon par ikhtiyaar na yaadon pe zor hai
kab zindagi guzaari hai apne hisaab mein

ghar se baahar nahin niklaa jaataa
raushni yaad dilaati hai tiri