is qadar mat udaas ho jaise — Idris Babar

pachaas miil hai khushki se bahriya-town
bas ek ghanTe mein achchhaa zamaana aataa hai

kahaaniyon ne miri aadatein bigaaDi thiin
main sirf sach ko zafar-yaab dekh saktaa thaa

dil ki ik ek kharaabi kaa sabab jaante hain
phir bhi mumkin hai ki ham tum se muravvat kar jaaein

reg-e-dil mein kai naadida parinde bhi hain dafn
sochte honge ki dariyaa ki ziyaarat kar jaaein

haan ai ghubaar-e-aashnaa main bhi thaa ham-safar tiraa
pi gaiin manzilein tujhe khaa gae raaste mujhe

ik khauf-zada saa shakhs ghar tak
pahunchaa kai raaston mein baT kar

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

rakhte hain dahaanon pe sadaa mohr-e-khamoshi
ve log jinhein aati hai guftaar-e-mohabbat

munis-e-taaza hain ye dard-o-alam
muddaton kaa rafiq hai gham to

is kaa ronaa nahin kyuun tum ne kiyaa dil barbaad
is kaa gham hai ki bahut der mein barbaad kiyaa