ye kaisi vaqt ne badli hai karvaT — Indira Varma

tumhaare binaa sab adhure hain jaanaan
sabaa phuul khush-bu chaman raushni rang

ye shafaq chaand sitaare nahin achchhe lagte
tum nahin ho to nazaare nahin achchhe lagte

yahi fasaana rahaa hai junun ke sahraa mein
kabhi firaaq ke qisse kabhi visaal ki baat

vaqt khaamosh hai TuuTe hue rishton ki tarah
vo bhalaa kaise mire dil ki khabar paaegaa

shikasta-dil andheri shab akelaa raahbar kyuun ho
na ho jab ham-safar koi to apnaa bhi safar kyuun ho

kitaab-e-zist kaa unvaan ban gae ho tum
hamaare pyaar ki dekho ye intihaa saahab

kam-umri mein sunet hain
mar jaate hain achchhe log

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

meri saari zindagi ko be-samar us ne kiyaa
umr meri thi magar us ko basar us ne kiyaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

idhar to tuul diyaa hai umiid ko us ne
udhar hayaat ataa ki hai mukhtasar mujh ko

zindagi tu bhi hamein vaise hi ik roz guzaar
jis tarah ham tujhe barson se guzaare hue hain