nahin afsun hi ko afsaane ki manzil maalum — Jameel Mazhari

jalaane vaale jalaate hi hain charaagh aakhir
ye kyaa kahaa ki havaa tez hai zamaane ki

ham mohabbat kaa sabaq bhuul gae
teri aankhon ne paDhaayaa kyaa hai

hone do charaaghaan mahlon mein kyaa ham ko agar divaali hai
mazdur hain ham mazdur hain ham mazdur ki duniyaa kaali hai

kise khabar thi ki le kar charaagh-e-mustafavi
jahaan mein aag lagaati phiregi bu-lahabi

ai sajda-farosh-e-ku-e-butaan har sar ke liye ik chaukhaT hai
ye bhi koi shaan-e-ishq hui jis dar pe gae sar phoD liyaa

buton ko toD ke aisaa khudaa banaanaa kyaa
buton ki tarah jo ham-shakl aadmi kaa ho

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa