zamin ke zakhm samundar to bhar na paaegaa — Kaifi Wijdani

tu ik qadam bhi jo meri taraf baDhaa detaa
main manzilein tiri dahliz se milaa detaa

tamaam shahr jise chhoDne ko aaya hai
vo shakhs kitnaa akelaa safar pe niklegaa

ye khule khule se gesu inhein laakh tu sanvaare
mire haath se sanvarte to kuchh aur baat hoti

sirf darvaaze talak jaa ke hi lauT aayaa huun
aisaa lagtaa hai ki sadiyon kaa safar kar aayaa

khud hi uchhaalun patthar khud hi sar par le luun
jab chaahun suune mausam se manzar le luun

bachaa liyaa tiri khushbu ke farq ne varna
main tere vahm mein tujh se lipaTne vaalaa thaa

na tum hosh mein ho na ham hosh mein hain
chalo mai-kade mein vahin baat hogi

aae kuchh abr kuchh sharaab aae
is ke baa'd aae jo azaab aae

zindagi zor hai ravaani kaa
kyaa thamegaa bahaav paani kaa

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di

kahaan milegi misaal meri sitamgari ki
ki main gulaabon ke zakhm kaanTon se si rahaa huun

saaqi mujhe sharaab ki tohmat nahin pasand
mujh ko tiri nigaah kaa ilzaam chaahiye