vo ek aaina chehre ki baat kartaa hai — Khursheed Akbar

saahil se sunaa karte hain lahron ki kahaani
ye Thahre hue log baghaavat nahin karte

quraan kaa mafhum unhein kaun bataae
aankhon se jo chehron ki tilaavat nahin karte

shaam ke tiir se zakhmi hai 'khurshid' kaa siina
nuur simaT kar surkh kabutar ban jaataa hai

dard kaa zaaiqa bataaun kyaa
ye ilaaqa zabaan se baahar hai

dil hai ki tire paanv se paazeb giri hai
suntaa huun bahut der se jhankaar kahin ki

ai shahr-e-sitam-zaad tiri umr baDi ho
kuchh aur bataa naql-e-makaani ke alaava

mere khvaabon ke jharokon ko sajaate rahiye
na sahi vasl magar yaad to aate rahiye

ho gae din jinhein bhulaae hue
aaj kal hain vo yaad aae hue

tum se mile to khud se ziyaada
tum ko akelaa paayaa ham ne

kar kuchh aisaa ki tujhe yaad rakhun
bhuul jaane kaa taqaazaa hi sahi

chheDtaa kyuun hai khudaa ke liye sayyaad mujhe
nau-giraftaar huun aati nahin fariyaad mujhe

koi shikva na gham na koi yaad
baiThe baiThe bas aankh bhar aai