mein chaahtaa huun ta'alluq ke darmiyaan parda — Laiq Aajiz

vo dhuup thi ki zamin jal ke raakh ho jaati
baras ke ab ke baDaa kaam kar gayaa paani

qalam uThaaun ki bachchon ki zindagi dekhun
paDaa huaa hai doraahe pe ab hunar meraa

khetiyaan chhaalon ki hoti thiin lahu ugte the
kitnaa zarkhez thaa vo dar-badari kaa mausam

ai mire paanv ke chhaalo mire ham-raah raho
imtihaan sakht hai tum chhoD ke jaate kyuun ho

dushmanon ko dost bhaai ko sitamgar kah diyaa
log kyuun barham hain kyaa shishe ko patthar kah diyaa

shaam hote hi bujh gayaa 'aajiz'
ek muflis kaa khvaab thaa na rahaa

sabhi se jab mohabbat chaahte ho
mohabbat kyon nahin karte sabhi se

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

kisi se ishq apnaa kyaa chhupaaein
mohabbat Tapki paDti hai nazar se

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham