tanhaa tire maatam mein nahin shaam-e-siyah-posh — Mohammad Rafi Sauda

ammaame ko utaar ke paDhiyo namaaz shaikh
sajde se varna sar ko uThaayaa na jaaegaa

kis munh se phir tu aap ko kahtaa hai ishq-baaz
ai ru-siyaah tujh se to ye bhi na ho sakaa

firaaq-e-khuld se gandum hai sina-chaak ab tak
ilaahi ho na vatan se koi gharib judaa

'saudaa' se shakhs ke taiin aazurda kijiye
ai khud-parast haif nahin tu vafaa-parast

ishq se to nahin huun main vaaqif
dil ko shoala saa kuchh lipaTtaa hai

ye to nahin kahtaa huun ki sach-much karo insaaf
jhuTi bhi tasalli ho to jiitaa hi rahun main

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

milne diyaa na us se hamein jis khayaal ne
sochaa to us khayaal se sadma bahut huaa

mujhe manzur gar tark-e-ta'alluq hai razaa teri
magar TuTegaa rishta dard kaa aahista aahista

TuuTe hue dilon ki sadaa ho gayaa huun main
ik haq thaa dosti kaa adaa ho gayaa huun main