ab tak miri yaadon se miTaae nahin miTtaa — Mohsin Naqvi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

Dhalte suraj ki tamaazat ne bikhar kar dekhaa
sar-kashida miraa saayaa saf-e-ashjaar ke biich

kal thake-haare parindon ne nasihat ki mujhe
shaam Dhal jaae to 'mohsin' tum bhi ghar jaayaa karo

sunaa hai shahar mein zakhmi dilon kaa mela hai
chaleinge ham bhi magar pairahan rafu kar ke

kyuun tire dard ko dein tohmat-e-viraani-e-dil
zalzalon mein to bhare shahr ujaD jaate hain

vo aksar din mein bachchon ko sulaa deti hai is Dar se
gali mein phir khilaune bechne vaalaa na aa jaae

mere khvaabon ke jharokon ko sajaate rahiye
na sahi vasl magar yaad to aate rahiye

ho gae din jinhein bhulaae hue
aaj kal hain vo yaad aae hue

tum se mile to khud se ziyaada
tum ko akelaa paayaa ham ne

kar kuchh aisaa ki tujhe yaad rakhun
bhuul jaane kaa taqaazaa hi sahi

chheDtaa kyuun hai khudaa ke liye sayyaad mujhe
nau-giraftaar huun aati nahin fariyaad mujhe

koi shikva na gham na koi yaad
baiThe baiThe bas aankh bhar aai