zikr-e-shab-e-firaaq se vahshat use bhi thi — Mohsin Naqvi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

tumhein jab ru-ba-ru dekhaa kareinge
ye sochaa hai bahut sochaa kareinge

mausam-e-zard mein ek dil ko bachaaun kaise
aisi rut mein to ghane peD bhi jhaD jaate hain

kaun si baat hai tum mein aisi
itne achchhe kyuun lagte ho

baDi umr ke baa'd in aankhon mein koi abr utraa tiri yaadon kaa
mire dil ki zamin aabaad hui mire gham kaa nagar shaadaab huaa

azal se qaaem hain donon apni zidon pe 'mohsin'
chalegaa paani magar kinaara nahin chalegaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ye ashk tere mire raaegaan na jaaeinge
unhin charaaghon se raushan mohabbatein hongi

baDaa hi farq hai ai yaar ham donon ke jazbon mein
tumhein mujh se mohabbat thi mujhe tum se mohabbat hai

ranj-o-gham aur alam-o-dard kaa lashkar nikle
ishq to tab hai jab aankhon se samandar nikle

pyaar ki baatein kijiye saahab
lutf sohbat kaa guftugu se hai