aisaa bhi kabhi ho main jise khvaab mein dekhun — Mustafa Shahab

zehn mein yaad ke ghar TuTne lagte hain 'shahaab'
log ho jaate hain ji ji ke puraane kitne

ham mein aur parindon mein farq sirf itnaa hai
dast-o-paa mile ham ko baal-o-par parindon ko

bikhraa bikhraa saa saaz-o-saamaan hai
ham kahin dil kahin aqida kahin

shaayad vo bhuli-bisri na ho aarzu koi
kuchh aur bhi kami si hai teri kami ke saath

main bhi shaayad aap ko tanhaa milon
apni tanhaai mein jaa kar dekhiye

kahaa thaa main ne kho kar bhi tujhe zinda rahungaa
vo aisaa jhuuT thaa jis ko nibhaanaa paD gayaa hai

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

un ke bhi apne khvaab the apni zaruratein
ham-saae kaa magar vo galaa kaaTte rahe

aisaa ho zindagi mein koi khvaab hi na ho
andhiyaari raat mein koi mahtaab hi na ho

siskiyaan bhar ke 'sharar' kaun vahaan rotaa thaa
khema-e-khvaab sar-e-shaam jahaan par TuuTaa

manzar-e-shaam-e-gharibaan hai dam-e-rukhsat-e-khvaab
taaziye ki tarah uTThaa hai koi bistar se