bikhraa bikhraa saa saaz-o-saamaan hai — Mustafa Shahab

aisaa bhi kabhi ho main jise khvaab mein dekhun
jaagun to vahi khvaab ki taabir bataae

zehn mein yaad ke ghar TuTne lagte hain 'shahaab'
log ho jaate hain ji ji ke puraane kitne

ham mein aur parindon mein farq sirf itnaa hai
dast-o-paa mile ham ko baal-o-par parindon ko

shaayad vo bhuli-bisri na ho aarzu koi
kuchh aur bhi kami si hai teri kami ke saath

main bhi shaayad aap ko tanhaa milon
apni tanhaai mein jaa kar dekhiye

kahaa thaa main ne kho kar bhi tujhe zinda rahungaa
vo aisaa jhuuT thaa jis ko nibhaanaa paD gayaa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jalaa aashiyaan jab se dil mutmain hai
na bijli kaa khatra na dhaDkaa khizaan kaa

jis ko ibrat dilaai jaati hai
meri surat dikhaai jaati hai

mohabbat ke liye kuchh khaas dil makhsus hote hain
ye vo naghma hai jo har saaz par gaayaa nahin jaataa

kise apnaa banaaein koi is qaabil nahin miltaa
yahaan patthar bahut milte hain lekin dil nahin miltaa