na jaane kah gae kyaa aap muskuraane mein — Parvez Shahidi

ye taaj ke saae mein zar-o-sim ke khirman
kyuun aatish-e-kashkol-e-gadaa se nahin Darte

miri zindagi ki zinat hui aafat-o-balaa se
main vo zulf-e-kham-ba-kham huun jo sanvar gai havaa se

giit hariyaali ke gaaeinge sisakte hue khet
mehnat ab ghaarat-e-jaagir tak aa pahunchi hai

abhi se subh-e-gulshan raqs-farmaa hai nigaahon mein
abhi puuri naqaab ulTi nahin hai shaam-e-sahraa ne

yaad hain aap ke toDe hue paimaan ham ko
kijiye aur na sharminda-e-ehsaan ham ko

guzraa hai kaun phuul khilaataa khiraam se
'shaadaab' aaj raahguzar paa rahaa huun main

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

'saif' andaaz-e-bayaan rang badal detaa hai
varna duniyaa mein koi baat nai baat nahin

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi