kyaa maslahat-shanaas thaa vo aadmi 'qatil' — Qateel Shifai

abhi to baat karo ham se doston ki tarah
phir ikhtilaaf ke pahlu nikaalte rahnaa

aakhri hichki tire zaanun pe aae
maut bhi main shaairaana chaahtaa huun

apne haathon ki lakiron mein sajaa le mujh ko
main huun teraa tu nasib apnaa banaa le mujh ko

nikal kar dair-o-kaaba se agar miltaa na but-khaana
to Thukraae hue insaan khudaa jaane kahaan jaate

kyuun sharik-e-gham banaate ho kisi ko ai 'qatil'
apni suuli apne kaandhe par uThaao chup raho

ab jis ke ji mein aae vahi paae raushni
ham ne to dil jalaa ke sar-e-aam rakh diyaa

gumaan kahtaa hai meraa ki ek din mujh par
tiri vafaa tiri chaahat kaa maan barsegaa

vafaa tum se kareinge dukh saheinge naaz uThaaeinge
jise aataa hai dil denaa use har kaam aataa hai

kyon hain tufaan ki zad mein haram-o-dair-o-kunisht
in mazaaron pe to muddat se charaaghaan bhi nahin

ho hari shaakh-e-tamannaa yaa na ho
sinch denaa chashm-e-tar kaa kaam hai

ek dil hai aur tufaan-e-havaadis ai 'jigar'
ek shisha hai ki har patthar se Takraataa huun main

'saudaa' se shakhs ke taiin aazurda kijiye
ai khud-parast haif nahin tu vafaa-parast