har ik shikast-e-tamannaa pe muskuraate hain — Raaz Muradabadi

vo kyaa chhuTe hayaat ke 'unvaan badal gae
duniyaa samajh rahi hai abhi ji rahaa huun main

dil ki be-kaifiyon ko kyaa kiije
fasl-e-gul hai magar bahaar nahin

khud kiyaa tark-e-ta'alluq ham se
khud hi ranjur hue jaate hain

allah-re iltifaat-o-nadaamat ki saazishein
nazrein milin talaafi-e-maafaat ho gai

rukte nahin hain paa-e-jihat-aashnaa kahin
manzil bhi ek sang-e-nishaan rah-guzar mein hai

miri samt manzil ko baDhte jo dekhaa
miraa saath chhoDaa mire rahnumaa ne

yaar main itnaa bhukaa huun
dhokaa bhi khaa letaa huun

ek parda saa hai fareb-e-nazar
ye bhi uTThe to dekhnaa kyaa hai

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

kuchh to majburiyaan rahi hongi
yuun koi bevafaa nahin hotaa

is qadar musalsal thiin shiddatein judaai ki
aaj pahli baar us se main ne bevafaai ki

tu is tarah se mire saath bevafaai kar
ki tere baa'd mujhe koi bevafaa na lage