main duniyaa chaahti huun na duniyaa ki rif'atein — Sahar Alig

DhunDaa kiye khudaa ko magar mil nahin sakaa
masjid mein but-kade mein kalisaa mein dair mein

Dhal gai vasl ki shab Duub gayaa dil kaa charaagh
ab vahin baiThe rahein aap jahaan the baiThe

ek moti huun main moti bhi baDaa qimti huun
par vo moti jo abhi gum hai samundar mein kahin

sharm-o-hayaa ne baaz rakhaa is qadar hamein
saayaa bhi un kaa dekh ke ham sar-nigun karein

ye jabr hai 'izzat hai mohabbat hai ki kyaa hai
banti hi nahin aap se inkaar ki surat

apne ajdaad ki dastaar ko dekhaa aur phir
kar liyaa dil ki tamanna se kinaara main ne

sabhi se jab mohabbat chaahte ho
mohabbat kyon nahin karte sabhi se

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

kisi se ishq apnaa kyaa chhupaaein
mohabbat Tapki paDti hai nazar se