ye adaa-e-be-niyaazi tujhe bevafaa mubaarak — Shakeel Badayuni

meraa azm itnaa buland hai ki paraae sholon kaa Dar nahin
mujhe khauf aatish-e-gul se hai ye kahin chaman ko jalaa na de

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

kaafi hai mire dil ki tasalli ko yahi baat
aap aa na sake aap kaa paighaam to aayaa

kal raat zindagi se mulaaqaat ho gai
lab thartharaa rahe the magar baat ho gai

lamhe udaas udaas fazaaein ghuTi ghuTi
duniyaa agar yahi hai to duniyaa se bach ke chal

shaguftagi-e-dil-e-kaarvaan ko kyaa samjhe
vo ik nigaah jo uljhi hui bahaar mein hai

aagahi se mili hai tanhaai
aa miri jaan mujh ko dhokaa de

hamesha duur ke jalve fareb dete hain
hai varna chaand bayaabaan kisi ko kyaa maalum

kahaani hai to itni hai fareb-e-khvaab-e-hasti ki
ki aankhein band hon aur aadmi afsaana ho jaae

bevafaa kuchh nahin teri taqsir
mujh ko meri vafaa hi raas nahin

vo jis ne mujh ko tire hijr mein bahaal rakhaa
tu aa gayaa hai to kyaa us se bevafaa ho jaaun

ik baar agar qafas ki havaa raas aa gai
ai khud-fareb phir havas-e-baal-o-par kahaan