chhupaa huun main sadaa-e-baansuli mein — Wali Dakni

tujh lab ki sifat laal-e-badakhshaan suun kahungaa
jaadu hain tire nain ghazaalaan suun kahungaa

raah-e-mazmun-e-taaza band nahin
taa qayaamat khulaa hai baab-e-sukhan

har zarra us ki chashm mein labrez-e-nur hai
dekhaa hai jis ne husn-e-tajalli bahaar kaa

chaahtaa hai is jahaan mein gar bahisht
jaa tamaashaa dekh us rukhsaar kaa

rashk suun tujh labaan ki surkhi par
jigar-e-laala daagh daagh huaa

jise ishq kaa tiir kaari lage
use zindagi kyuun na bhaari lage

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

ye saal tul-e-masaafat se chuur chuur gayaa
ye ek saal to guzraa hai ik sadi ki tarah

aisi taraqqi par to ronaa bantaa hai
jis mein dahshat-gard corona bantaa hai