kitne hi phuul chun liye main ne — Zaki Kakorvi

yaad aae hain uff gunah kyaa kyaa
haath uThaae hain jab duaa ke liye

aql ne tark-e-taalluq ko ghanimat jaanaa
dil ko badle hue haalaat pe ronaa aayaa

tiri javaan umangon ko ho gayaa hai kyaa
Dari Dari si mohabbat mujhe pasand nahin

junun ke kaif-o-kam se aagahi tujh ko nahin naaseh
guzarti hai jo divaanon pe divaane samajhte hain

log kahte rahe qarib hai vo
ham ne DhunDaa to duur duur na thaa

ye raat yunhi basar ho gai to kyaa hogaa
tire baghair sahar ho gai to kyaa hogaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

ham giraftaaron ko ab kyaa kaam hai gulshan se lek
ji nikal jaataa hai jab sunte hain aati hai bahaar

niklaa zabaan se jhuuT jo sach ke libaas mein
baDh ke sabhi ne ham ko gale se lagaa liyaa

ab aankh khuli ab hosh aayaa
bahkaa saa jab gul-posh aayaa