Sher

"kyon tasavvur men ji raha huun main jab haqiqat men mar hi jaana hai"

"apne hain sab paraya koi nahin par mire dukh men aaya koi nahin"

"Thiik aa.i tan pe apne qaba-e-barahnagi baani libas chhoTe hue ya baDe hue"

"zara parda haTa do samne se bijliyan chamken mira dil jalva-gah-e-tur ban jaa.e to achchha ho"

"us ke munh pe mukar gaya tha dil aaj had se guzar gaya tha dil"

"khauf aisa hai ki duniya ke sata.e hue log kabhi mimbar kabhi mehrab se Dar jaate hain"

"kuchh na tha mere paas khone ko tum mile ho to Dar gaya huun main"

"rail dekhi hai kabhi siine pe chalne vaali yaad to honge tujhe haath hilate hue ham"

"main ne ye soch ke bo.e nahin khvabon ke darakht kaun jangal men uge peD ko paani dega"

"apni gharaz ke aage sada-e-zamir kya saare takallufat ko nilam kijiye"

"tum aise achchhe ki achchhe nahin kisi ke saath main vo bura ki kisi ka bura nahin karta"

"jhuuT bola hai to qaa.em bhi raho us par 'zafar' aadmi ko sahab-e-kirdar hona chahiye"

"aaba to 'zafar' nahin the aise phir sher shi.ar kyuun hua hai"

"hamare aib men jis se madad mile ham ko hamen hai aaj kal aise kisi hunar ki talash"

"ai vatan jab bhi sar-e-dasht koi phuul khila dekh kar tere shahidon ki nishani roya"

"gulon men rang bhare bad-e-nau-bahar chale chale bhi aao ki gulshan ka karobar chale"

"zindagi kya kisi muflis ki qaba hai jis men har ghaDi dard ke paivand lage jaate hain"

"aur koi pahchan miri banti hi nahin jante hain sab log ki bas tera huun main"

"miri aarzu ki taskin na karam men ne sitam men mira dil mudam tishna tiri rah ke pech-o-kham men"

"tere jaane ke baad dekh zara kitna barbad ho gaya huun main"

"har kisi shakhs ke muafiq hai aisa lagta hai tu munafiq hai"

"ab aadmi kuchh aur hamari nazar men hai jab se suna hai yaar libas-e-bashar men hai"

"us ne jab se haath pakaDna chhoD diya tab se ham ne saath men chalna chhoD diya"

"tum jo chaho vo karte phirte ho saari pabandiyan hami par hain"