Dosti Shayari Collection

saare jahaan se achchhaa hindostaan hamaaraa
ham bulbulein hain is ki ye gulsitaan hamaaraa

tum takalluf ko bhi ikhlaas samajhte ho 'faraaz'
dost hotaa nahin har haath milaane vaalaa

dost-daar-e-dushman hai e'timaad-e-dil maalum
aah be-asar dekhi naala naa-rasaa paayaa

mazhab nahin sikhaataa aapas mein bair rakhnaa
hindi hain ham vatan hai hindostaan hamaaraa

gunjaaish-e-adaavat-e-aghyaar yak taraf
yaan dil mein zof se havas-e-yaar bhi nahin

sau sau umidein bandhti hai ik ik nigaah par
mujh ko na aise pyaar se dekhaa kare koi

kyuun jal gayaa na taab-e-rukh-e-yaar dekh kar
jaltaa huun apni taaqat-e-didaar dekh kar

lagi thi jaan ki baazi bisaat ulaT Daali
ye khel bhi hamein yaaron ne haarne na diyaa

ai nasim-e-sahari bu-e-mohabbat le aa
turra-e-yaar sati itr ki mahkaar kuun khol

khudaavandaa ye tere saada-dil bande kidhar jaaein
ki darveshi bhi ayyaari hai sultaani bhi ayyaari

baiThaa hai jo ki saaya-e-divaar-e-yaar mein
farmaan-ravaa-e-kishvar-e-hindustaan hai

bahut dinon se nahin hai kuchh us ki khair khabar
chalo 'faraaz' ko ai yaar chal ke dekhte hain

khush-haal ghar sharif tabiat sabhi kaa dost
vo shakhs thaa ziyaada magar aadmi thaa kam

qismat mein gar hamaari ye mai hai to saaqiyaa
be-ikhtiyaar aap se shisha karegaa jast

yaad aai hai to phir TuuT ke yaad aai hai
koi guzri hui manzil koi bhuli hui dost

dil mein zauq-e-vasl o yaad-e-yaar tak baaqi nahin
aag is ghar mein lagi aisi ki jo thaa jal gayaa

zindagaani dard-e-sar hai yaar bin
kui hamaare sar kuun aa kar jhaaD de

anokhi vaza hai saare zamaane se niraale hain
ye aashiq kaun si basti ke yaa-rab rahne vaale hain

meri qismat mein gham gar itnaa thaa
dil bhi yaa-rab kai diye hote

is se pahle ki be-vafaa ho jaaein
kyuun na ai dost ham judaa ho jaaein

zindagi main bhi chalungaa tire pichhe pichhe
tu mire dost kaa naqsh-e-kaf-e-paa ho jaanaa

yuun lage dost tiraa mujh se khafaa ho jaanaa
jis tarah phuul se khushbu kaa judaa ho jaanaa

gham-e-jahaan ho rukh-e-yaar ho ki dast-e-adu
suluk jis se kiyaa ham ne aashiqaana kiyaa

khud apne se milne kaa to yaaraa na thaa mujh mein
main bhiiD mein gum ho gai tanhaai ke Dar se

faaeda kyaa soch aakhir tu bhi daanaa hai 'asad'
dosti naadaan ki hai ji kaa ziyaan ho jaaegaa