fareb khaane ko pesha banaa liyaa ham ne — Ahmad Nadeem Qasmi

aaghosh mein mahkoge dikhaai nahin doge
tum nikhat-e-gulzaar ho ham parda-e-shab hain

gham-e-jaanaan gham-e-dauraan ki taraf yuun aayaa
jaanib shahar chale dukhtar-e-dahqaan jaise

zindagi shama ki maanind jalaataa huun 'nadim'
bujh to jaaungaa magar subah to kar jaaungaa

kis tavaqqoa pe kisi ko dekhein
koi tum se bhi hasin kyaa hogaa

ik safina hai tiri yaad agar
ik samundar hai miri tanhaai

aakhir duaa karein bhi to kis muddaaa ke saath
kaise zamin ki baat kahein aasmaan se ham

ye jo mahfil mein mire naam se maujud huun main
main nahin huun miraa dhokaa hai koi dekh na le

dekhaa hai mujhe apni khushaamad mein jo masruf
is but ko ye dhokaa hai ki islaam yahi hai

vo sajda jis se bu aati hai zaahid hur-o-ghilmaan ki
fareb-e-bandagi kahiye khudaa ki bandagi kyon ho

shabaab tum se karegaa jo tum ne ham se kiyaa
tumhaaraa husn bhi niklegaa bevafaa mausam

ye dil-fareb charaaghaan ye qahqahon ke hujum
main Dar rahaa huun ab is shahar se guzarte hue

ek parda saa hai fareb-e-nazar
ye bhi uTThe to dekhnaa kyaa hai