aablon kaa shikva kyaa Thokaron kaa gham kaisaa — Amir Usmani

aql thak kar lauT aai jaada-e-aalaam se
ab junun aaghaaz farmaaegaa is anjaam se

thi siyaahiyon kaa maskan miri zindagi ki vaadi
tire husn ke tasadduq mujhe raushni dikhaa di

ye qadam qadam balaaein ye savaad-e-ku-e-jaanaan
vo yahin se lauT jaae jise zindagi ho piyaari

chand alfaaz ke moti hain mire daaman mein
hai magar teri mohabbat kaa taqaazaa kuchh aur

baaqi hi kyaa rahaa hai tujhe maangne ke baad
bas ik duaa mein chhuT gae har duaa se ham

ishq sar-taa-ba-qadam aatish-e-sozaan hai magar
us mein shola na sharaara na dhuaan hotaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ab jahaan main huun vahaan mere sivaa kuchh bhi nahin
main isi sahraa mein rahtaa thaa magar tanhaa na thaa

dariyaa ki zindagi par sadqe hazaar jaanein
mujh ko nahin gavaaraa saahil ki maut marnaa

ashk-baari se gham-o-dard ki kheti-baaDi
lahlahi si nazar aati hai hari rahti hai